Moderatorja Dojna Mema ka sjellë në jetë para më shumë se një muaji djalin e saj Nolan Sol Sata.
Së fundmi ajo ka ndarë një nga momentet më të vështira dhe emocionuese gjatë periudhës së shtatzënisë.
Moderatorja ka postuar një foto nga dita e fundit e shtatzënisë ku ka përshkruar të gjitha ndjesitë që ka përjetuar në atë ditë.
‘Kjo ka qenë nata përpara se Nolan Sol të vinte në botën tonë. Im bir vendosi të vonohej, por mbrëmja përpara lindjes ishte më e gjatë se gjithë shtatzënia bashkë. Një miks i çuditshëm frike me lumturinë dhe padurimin për të parë fytyrën që e doja aq shumë pa e njohur. Kurrë nuk do harroj të qarën e parë me zërin më të bukur në botë.”
Kujtojmë se në këtë periudhë partneri Vlashenti ka qenë ndihma më e madhe për moderatoren.
Pak ditë më parë Dojna u shpreh se Vlashenti është një baba shembull dhe do të dëshironte që i biri ti ngjante.
