Prej disa ditësh në rrjet ka qarkulluar lajmi se Olsi Bylyku dhe Egli Tako i kanë dhënë fund marrëdhënies së tyre disa vjecare.
Shkak për këtë si fillim u bënë disa veprime të çiftit në rrjetet e tyre sociale, si: fshinë fotot që kanë pasur së bashku, Egli nuk mbështeti Olsi në projektin e tij të ri, si dhe nuk i uroi të ëmën për ditëlindje siç ka bërë vitet e kaluara.
Pas këtyre edhe burime pranë çiftit konfirmuan krisjen mes tyre.
Por duke qenë se as Egli dhe as Olsi ende nuk kanë reaguar rreth këtyre lajmeve, vazhdojnë të mbeten thjesht aludime.
Ndërkohë së fundmi, duket se me veprimin e tij aktori i ka “hedhur benzinë zjarrit”.
Ai ka postuar në Instagram një foto të vetën të shkëputur nga videoklipi i tij me Eglin, “Do ditë”. Krahas fotos ai ka shkruar: “Tranzicion”.
Për ata që janë konfuzë, fjala tranizion nënkupton procesin apo periudhën e ndryshimit nga një gjendje në një tjetër.
Të shpresojmë që është vetëm një periudhë jo e mirë e çiftit dhe se keqkuptimet mes tyre do të zgjidhen sa më shpejt.
