Pas ndarjes së bujshme nga Blero, jo pak herë Afrona ka dhënë sinjale në rrjete sociale se ka nisur një lidhje të re.
Mbrëmjen e djeshme në një intervistë nga gazetarët e vegjël të “Në Kurthin e Piter Pan” ajo i ka konfirmuar këto zëra.
Afrona ka zbuluar se ka rigjetur dashurinë dhe se bashkjeton e lumtur me partnerin e saj zvicerian.
Ajo gjithashtu tregoi se një ndër arsyet e ndarjes me Bleron ishte largësia, e cila sipas saj është faktor kyç për shkëputjen shpirtërore nga partneri.
“Tani e kam afër dashurinë, jetoj me të dhe jam Hënë e plotë.”- tha ajo ndër të tjera.
Afrona shtoi se planifikon të martohet sërish, por këtë herë në Zvicër.
Përsa i përket kujtimeve me Bleron, ajo u shpreh nuk do t’i harrojë pasi kanë qenë momente të bukura në jetën e saj që s’mund të fshihen, por tanimë është e lumtur që secili e ka gjetur rrugën e tij kur kjo marrëdhënie nuk funksionoi.
