Pak ditë më parë në programin “Abc e Pasdites” ishte i ftuar balerini dhe fituesi i “Big Brother VIP”, Ilir Shaqiri.
Biseda më të u ndal në disa drejtime: familje,pjesëmarrja e tij në formate të ndryshme televizive dhe miqësitë të cilat ka krijuar aty.
Përsa i përket raportit me Sabianin, me të cilin pati një miqësi shumë të ngushtë të krijuar brenda shtëpisë së “BBVIP”, por më pas u përfol për një përcarje, Iliri rrëfeu se nuk ruan më asnjë lloj raporti:
“Me Sabin nuk kemi raport, secili ka jetën e vet, ndoshta kjo edhe përsa i përket edhe gjërave që u thanë dhe gjërave që u bënë. Nuk kemi kemi komunikim… ka çudi dhe ka një lloj keqardhje sepse u transmetua një mesazh miqësie shumë i lartë dhe me shumë vlera, por ama kur fillon dhe abuzohet në miqësi kjo pastaj nuk është më miqësi”.- theksoi ai
Gjithashtu ai foli edhe për komentet mbi faktin që pse pranoi të ishte pjesë e “Dance with me” dhe pse refuzoi “Dance with the stars”, apo nëse është ose jo kryetar i jurisë në spektaklin ku ai tashmë është.
“U fol për shumë gjëra, aludime nga më të ndryshmet… sikur nuk doja, sikur nuk më donin. Fakti është ajo që shkruajta. Unë preferoj që t’i them gjërat vetë, mos t’i interpretojnë të tjerët, kam mundësi ta bëj këtë gjë dhe e kam bërë gjithmonë shumë shqeto siç the dhe ti… po abuzohej me lajmin sepse nuk është drejtë që të ketë trasnformime mendimi sepse unë nuk kisha dhënë asnjë lloj mendimi. Kështu që unë ndjeva ta sqaroja këtë gjë, është thjesht një moment kur njerëzit nuk flasin, nuk ka komunikimin dhe mos komunikimi të çon në atë që është mos përfundimi i gjërave”.
