Një potpuri e realizuar nga Sinan Hoxha e Yllka Kuqi ka qenë burim i shumë lajmeve këto ditë. Fillimisht, disa media rozë raportuan se ata ishin parë shumë të afërt, madje duke shtuar edhe dyshime për diçka më shumë.
Kjo nxiti një reagim nga ana e bashkëshortes së kengetarit, Andrra Destani, që publikoi foton e një prej lajmeve, krahas të cilit ka shkruar vetëm një koment:
“Turp!”
Disa këtë e interpretuan si një reagim ndaj mediave, të tjerë si një mesazh për kengetarin dhe Yllkën.
Ndërkohë, së fundmi “Panorama” shkruan se çifti po kalon një krizë. Sipas kësaj mediaje, miqtë e tyre kanë thënë se në fakt një sherr i madh ka ndodhur mes çiftit pas qëndrimit të tij në Prishtinë dhe statusi i Andrrës është vetëm maja e dukshme e ajsbergut të asaj çfarë ka ndodhur.
Me Yllkën, Sinani ka pasur edhe një bashkëpunim në vitin 2019-të së bashku edhe me Sabri Fejzullahun, ndërkohë që ritakimi në Prishtinë bëhet për projektin me titull “Potpuri”, që do të jetë një kartolinë festive dhe një Gëzuar! për vitin 2022.
Skenat e klipit ku Sinan dhe Yllka duken si të dashuruar, ka sjellë jo pak shqetësime për gruan e tij, Andrrën, për të cilën Sinani ka thënë dhe më parë që është shumë xheloze.
Nga ana tjetër, Yllka ka 10 vite e martuar dhe u bë nënë për herë të parë para dy vitesh. Sinani dhe Andrra kanë 6 vite të martuar dhe janë prindër të dy djemve. Deri tani as Sinani e as Yllka nuk kanë reaguar rreth këtyre lajmeve.