Kryeministri Edi Rama ndodhet që prej ditës së djeshme në Samitin për Klimën që po mbahet në Glasgow të Skocisë. Dhe duket se afër ka patur ka patur aktorin e njohur Leonardo Di Caprio.
Këtë e ka treguar vetë kryeministri përmes një postimi në Instagram, ku shihet teksa bisedon me aktorin e njohur. Temë e bisedës sipas Ramës ka qenë lumi Vjosa pasi është një çështje që i prek të dy.
“Kur je komshi me Leonardo Di Caprion dhe të lidh mbrojtja e Vjosës”, shkruan Rama në mbishkrimin e fotos, sigurisht me pak humor.
View this post on Instagram
Kujtojmë se aktori ka qenë aktiv vazhdimisht për çështjen e Vjosës, dhe ka reaguar edhe vitin që lamë pas në lidhje me deklaratën e kryeministrit Edi Rama më 25 shtator ku refuzoi zyrtarisht të japë leje për projekte HEC-esh në Vjosën e poshtme.
Ndërkohë, statusi Park Natyror nuk e mbron plotësisht lumin, e nuk siguron që ai të mbetet i paprekur. Prandaj Eco Albania, ka nisur një peticion, që deri më tani ka mbledhur më shumë se 13 mijë firma, pra 13 mijë njerëz që “luftojnë” për mënyrën e vetme për të mbrojtur lumin e fundit të egër në Evropë, duke e shpalluar Park Kombëtar.
Ky status është një standard ndërkombëtar për mbrojtjen e natyrës dhe i vetmi status që mund t’i ndalojë bizneset dhe qeveritë e ardhshme të dëmtojnë lumin dhe degët e tij, të cilat ende rrjedhin të lirë.
Kjo do të ndihmonte në zhvillimin e turizmit, do të krijonte vende pune, do të kishim një Park Kombëtar që do të sillte vizitorë e rrjedhimisht të ardhura për Shqipërinë.
