Klajdi Haruni është një prej këngëtarëve më të dashur për publikun shqiptar, këngët e të cilit pëlqehen masivisht.
Së fundmi, ai ka qenë i ftuar në një intervistë nga gazetarët e vegjël të “Në Kurthin e Piter Pan”, ku është ngacmuar edhe për jetën private.
I pyetur nëse ndokush ja ka vjedhur zemrën, Klajdi u përgjigj se këngën “Skifterja e zemrës” e këndon akoma edhe me më shumë dashuri tashmë që është në një lidhje.
“Ti njëherë këndon për beqarinë, njëherë për dashurinë, po ty, kush ta ka vjedhur zemrën?”- e pyeti një prej fëmijëve të vegjël.
“Për këtë duhet të pyesësh Florin, se këngët e tekstet i ka bërë ai. Unë jam shumë i lumtur që i këndoj, më pëlqen që janë me tematika të ndryshme.
Skifteren e zemrës që në momentin e parë e kam kënduar me dashuri, por tani që ma kanë vjedhur zemrën, e këndoj akoma me më shumë dashuri. Më shkëlqejnë sytë!”– ka treguar Klajdi.
Gjithashtu këngëtari ka ndarë një moment nga pushimet me të dashurën e tij dhe ka publikuar dorën e saj shoqëruar me një zemër.
Mirëpo, ende nuk dihet asnjë detaj kush është vajza misterioze që i ka rrëmbyer zemrën Klajdit.
