Ndodh rëndom që pas një tradhtie, partneri fajtor të ‘shpjegohet’ duke thënë se ishte thjesht seks dhe s’e nuk kishte rëndësi për të. E vërteta është se ky lloj justifikimi jo vetëm që nuk ndihmon për asgjë, por e bën situatën edhe më keq.
Terapistë të çifteve tregojnë se kur shumica e njerëzve tradhtojnë nuk mendojnë as për gruan/burrin apo për partnerin që kanë në krah. Thjesht duan të mbushin boshllëqet që ndjejnë dhe fokusohen tek tërheqja ndaj personit tjetër.
Sipas tyre, fraza më e keqe që mund të përdor një tradhtar është: “s’kishte aspak rëndësi për mua”. Pra me pak fjalë, kjo përkthehet: “Unë shkatërrova botën tënde për asgjë!”
“Zakonisht partneri tradhtar shprehet kështu sepse përpiqet të tregojë që nuk e ka menduar kurrë të lërë gruan apo fëmijët për partneren tjetër. Kjo nuk është mënyra e duhur sepse është njësoj sikur t’i thuash dikujt: Hej, të tradhtova, por boll se mund të shkonte edhe më keq.”- shpjegon terapistja Janis Spring.
Gjithçka duhet të bëni në të tilla raste është të kuptoni veprimet tuaja egoiste dhe të tregoheni të ndershëm. Tregoni çfarë ju shtyu drejt atij veprimi. Nëse po kërkonit diçka për t’u ndjerë gjallë sërish, thuajani edhe këtë partneres suaj. Merreni seriozisht këtë punë dhe të paktën tani, hapeni zemrën njëherë e mirë.
Burimi: The Huffington Post
