Para pak ditësh Luiz Ejlli konfirmoi se së shpejti do të niset në një turne koncertesh në SHBA së bashku me disa këngëtarë të tjerë të njohur.
I pyetur nga ndjekësit nëse do të jetë edhe Kiara me të, Luizi u përgjigj se patjetër që partnerja e tij do ta shoqërojë në koncertet përtej Oqeanit.
Por, duket se gjasat janë që Kiara Tito të mos e ketë të mundur ta shoqërojë të dashurin e saj në SHBA.
Burime për Bordo tregojnë se moderatores i është refuzuar viza amerikane, për arsye që nuk bëhen të ditura.
Koncerti i parë Luiz Ejllit për dashamirësit e tij në Amerikë do të mbahet më 9 qershor në shtetin e Michigan për t’u pasuar me dhjetra koncerte të tjera në qytete e shtete të ndryshme të Shteteve të Bashkuara të Amerikës.
