Sikur të mos mjafonte buja në Shqipëri, ku Big Brother Vip po shfaqet kudo, si në rrjetet sociale po ashtu dhe në titujt e portaleve, banorët e shtëpisë më të famshme po zënë hapësira televizive edhe në mediat e huaja.
Pas vëmendjes që Luizi i tërhoqi fituesit të Big Brother Vip Canada, Kevin Jacobs, ku ky i fundit nuk nguroi të shprehte mbështetjen për këngëtarin, ditën e sotme ka qenë radha e mediave greke.
Në një nga emisionet e vendit fqinj shihet se është shfaqur Luizi me Maestron teksa janë duke kënduar brenda në shtëpi një nga këngët më të famshme greke, “Zilevo”.
“Kënga e Giorgos Mazonakis në Big Brother Shqipëri”, dëgjohet të thotë prezantuesi i emisionit i cili duket jo pak i habitur.
