Robert Aliaj ishte i ftuar ditën e djeshme në emisionin “Shqipëria LIVE”, ku komentoi rrugëtimin e Kristit në “Big Brother VIP.
Roberti deklaroi se Kristin e sheh si finalisti ne katërt, edhe pse sipas tij ai tashmë duhet ta kishte fituar më parë këtë status.
Ai gjithashtu shtoi se nuk bazohet në komentet e njerëzve në rrjetet sociale, pasi sipas tij ata nuk votojnë, duke i cilësuar si “pabuksa”, gjë që solli shumë reagime në rrjet.
“Kristi duhet ta kishte fituar tashmë finalen, ai e meriton. Me çfarë shoh edhe komentet. Nuk besoj se votat i japin ata njerëzit që komentojnë në rrjetet sociale, ata janë pabuksa.”- tha Robert Aliaj.
Ndërsa ditën e sotme ai ka sqaruar këtë deklaratë përmes një video ku tha nuk lidhet me të gjithë, por me profilet ‘fake’ që bëjnë komente të ulëta, kërcënime, ofendime.
Roberti shprehet se i respekton shqiptarët dhe nuk i ofendon dhe pse është kritik.
“Deklarata është nxjerrë nga konteksti. Dhe po abuzohet me qëllim manipulimi. Tani është lojë manipulimi. Kështu që dua t’ju sqaroj se deklarata ime ishte kundër profileve fallco, që fyejnë na denigrojnë dhe më keq na kërcënojnë jetën. Çka është e tmerrshme është se vajza ime vjen çdo ditë nga shkolla e na pyet: “Çfarë ka ndodhur se na mbytën me mesazhe?” Me kërcënime, me fyerje, me fjalë që ajo disa herë nuk ia di as kuptimin, por edhe kur ua di kuptimin, është shumë fyese për një vajzë të vogël. Dhe janë gabime shumë të tmerrshme. Pra, mesazhi im i djeshëm u adresohet këtyre njerëzve të papërgjegjshëm që përdor këto mediat për të fyer, denigruar dhe kërcënuar shqiptarët e ndjeshëm. Pra, nuk kam asgjë kundër shqiptarëve të cilëve unë kam 30 vjet që nuk kam bërë asnjë kompromis në kurriz të interesave publike. Kam pasur edhe unë mundësi të fitoj si gjithë të tjerët pork am qenë njeri i ndershëm. Dhe në momentin e caktuar 3-4 veta ju manipulojnë juve. Unë i respektoj shumë shqiptarët. Jam kritik, por respektoj shumë njerëzit. I dua shumë dhe nuk ka shans që unë të fyej publikun shqiptar.”-thotë ai.
https://www.instagram.com/reel/Crk-D56uDyf/?utm_source=ig_web_copy_link
