Dy banoret, Nita dhe Dea i shprehën një dëshirë “Vëllait të madh”: T’iu sillte një konkurrent të ri me muskuj, të pashem dhe të sillet mirë me to.
Dëshira e vajzave u plotësua dhe brenda shtëpisë pak ditë më parë u prezantua konkurrenti i ri, Shpati.
Mirëpo megjithëse ka vetëm pak ditë në BBV, Dea po kërkon me ngulm të ketë dicka me Shpatin, madje ditën e djeshme i hipi dhe sipër këmbëve, teksa ai po stërvitej.
Veprimet e Deas janë komentuar të turpshme në rrjet pasi u tha se kishte dicka me Amosin. Lidhur me këtë situatë ka reaguar së fundmi aktori.
Teksa ishte i ftuar në “Wake Up”, Amos tregoi se mes tij dhe Deas mund të kishte dicka por nuk ndodhi, duke ia lënë “derën e hapur” asaj për një lidhje.
“Me Dean marrëdhënia kishte shumë ngjyrë. Kishte potencial që diçka të ndodhte, por nuk ndodhi. Jeta vazhdon nuk jam fare i mërzitur. Jeta vazhdon, siç Dea vazhdon jetën e saj brenda shtëpisë edhe unë jashtë.
Unë nuk e kam parë si lojë, çdo gjë që ka ndodhur aty ka qënë e vërtetë. Kur del jashtë shikon se disa njerëz bëjnë lojë e për hir të lojës bëjnë gjëra të caktuara. Nuk e di nëse po e bën për lojë”, tha Amosi.
