21-vjeçari Redon Leka u arrestua si i dyshuari i hedhjes së kapsollave në natën finale ku performoi Goran Bregovic.
Seanca, e cila zhvillua ditën e sotme, filloi rreth orës 10:30. Prokuroria kërkoi masën e arrestit me burg, çka u pranua nga Gjykata.
Në natën e pestë dhe finale të Festës së Birrës në Korçë, performoi këngëtari sebo-kroat, Goran Bregovic.
Pjesëmarrja e tij u prit me kritika të shumta nga disa artistë e qytetarë të thjeshtë. Policia shtoi masat e sigurisë, por nuk mundi të shmangë incidentet. 21-vjeçari arriti të kalojë kontrollet e policisë dhe të hedhë gazi lotsjellës mes njerëzve.
Gaz u hodh në tre drejtime të ndryshme në shesh, duke lënduar lehtë disa persona. Megjithatë, koncerti vazhdoi normalisht, ndërsa Bregovic nuk e ndërpreu performancën në skenë. /TCH/
Related Posts
