Naxhije Alibegu Buçinca u propozua për qytetare nderi e Ulqinit për kontributin e saj në arsimimin e gjeneratave të reja sidomos vajzave.
Ajo theu tabutë e kohës, së bashku me bashkëshortin e saj, tashmë të ndjerë, Fahri Buçinca, duke i dhënë vetes një mision.
Çifti nga qyteti u Vushtrrisë kishin udhëtuar në 68 fshatra gjatë viteve ‘90 në luftë kundër analfabetizmit të vajzave.
Puna e tyre në këtë drejtim ua realizoi dëshirë dhe ëndrrën e tyre duke shkolluar 938 vajza.
Buçinca, e cila është gjyshja e Ledri Vulës, u lind në Ulqin në vitin 1935, ku dhe filloi misionin e saj, të cilin e vazhdoi në Kosovë.
Vendi i saj i lindjes në bashkëpunim me disa organizata vendase dhe shqiptaro-amerikane kanë propozuar që në mbledhjen e ardhshme të komunës së Ulqinit, Naxhije Buçinca të shpallet qytetar nderi për kontributin e saj dhënë në vendlindje dhe më gjerë.
