Vetëm pak përpara se ta arrestonin për vrasjen e Caroline Crouch, Babis Anagnostopulos përfqaonte vjehrrën e tij dhe qante bashkë me të.
Vetë e ëma e 20 vjecares që u mbyt në sy të fëmijës së saj 11 muajshe, ka mbetur e shokuar jo vetëm nga vrasja e së bijës, por edhe nga fakti që Caroline vdiq pikërisht nga duart e njeriut me të cilin ndante jetën.
Nëna thotë se e shihte me admirim dhëndrin e saj dhe nuk e imagjinonte kurrë që ai mund të ishte i aftë për një gjë të tillë. Ndërkohë ajo as nuk ka qenë në dijeni të konflikteve të shumta të ciftit.
“Jam nëna e Caroline që u vra pak ditë më parë. Ende nuk mund të besoj atë që ka ndodhur. Carolina ishte një vajzë shumë e mirë, studente ekselente dhe merrte pjesë në shumë aktivitete. Ajo ishte flamurmbajtësja (nxënësi më i mirë në shkollat greke mban flamurin në paradat vjetore kombëtare) e shkollës së saj dhe ishte shumë aktive në rrethin e saj shoqëror. Me Babisin u njohën kur ishte gati 16 vjeç. Ne e dinim për lidhjen e tyre dhe ndonëse Carolina ishte më e vogël në moshë, ne e shihnim se ata ishin të lumtur dhe i mbështetëm. Para 11 muajsh ajo lindi një vajzë, Lidian. Që atëherë e shihja çdo ditë të lumtur dhe më thoshte se kalonte shumë mirë. Nuk u ankua asnjëherë se është e lodhur apo se kishte probleme. Flisnim çdo ditë në telefon me video dhe mund të shihja se ishte mirë. Herë e fundit që folëm ishte të hënën në darkë. Ne thamë natën e mirë dhe mbyllëm telefonin. Të nesërmen në mëngjes isha në shtëpi në Aloniso dhe erdhën disa shoqe më thanë për atë që kishte ndodhur. Bëra disa telefonata dhe më shpjeguan të keqen që ndodhi. Çfarë u bë në shtëpi, as që nuk dua ta di, sepse më lëndon shumë. Vetëm për një gjë falenderoj Zotin që Lidia është mirë”,
tha Susan për televizionin grek Skai.
