Dikur një nga yjet më të mëdhenj të R&B në botë, sot R.Kelly, që prej vitesh përballet me akuza të rënda, është shpallur sërish fajtor.
Gjykata e Chicago-s e dënoi këngëtarin për disa akuza të tjera, përfshirë këtu “pornografi me fëmijët” dhe “abuzim seksual”.
Kështy, R.Kelly merr një tjetër goditje ligjore dhe në reputacionin e tij, me të drejtë të shkatërruar, duke u shpallur fajtor për akuza të shumta për pornografi me fëmijë dhe joshje të vajzave të mitura për të kryer marrëdhënie seksuale me të.
Pas shpalljes fajtor, pritet të jepet dënimi zyrtar për të, teksa në Chicago, për këto akuza ka një dënim minimal prej 10 vjetësh. Anëtarëve të jurisë iu shfaqën pjesë të pamjeve shqetësuese dhe dëgjuan dëshminë e viktimës, tani 37-vjeçare, e cila u identifikua vetëm si “Jane”.
Konkluzioni për akuzat që rëndojnë mbi këngëtarin erdhi pas më shumë se 11 orësh diskutim ndërmjet anëtarëve të jurisë.
Në Çikago, një dënim për vetëm një akuzë të tillë mbart një dënim minimal të detyrueshëm prej 5 deri në 10 vjet.
Shpallja fajtor e R Kellyt vjen pas një tjetër dënimi me plotë 30 vite burg të dhënë këngëtarit të “I Believe I Can Fly” në qershor, pasi ai u shpall fajtor për trafikim seksual dhe shantazh në një çështje të veçantë federale në Brooklyn.