Armaldo Kllogjeri ka qenë pjesë e panelit të sotëm në “Më lër të flas”, ku ndryshe nga herët e tjera, në puntatën e sotme u fol për largimin masiv të të rinjve nga Shqipëria.
Gjatë diskutimit u bë një krahasim mes rrogave dhe çmimeve në vendin tonë, ku Armaldo tregoi për herë të parë publikisht pagën e tij mujore.
Si tenor dhe solisti i parë i Teatrit të Operës dhe Baletit, Armaldo paguhet 120.000 lekë, pra 1 milion e 200 mijë lekë të vjetra në muaj.
“Të shikosh këto shifra largimesh është e frikshme. Ata kanë një model që i frymëzon për të ikur. Shohin një deputet ministër që pasurohet shumë shpejt. Në fund fare ne që punojmë ndershmërish paguhemi shumë pak. Kur të dalim në pension a do të kemi para për të marrë?!”, deklaroi ai, duke vijuar më pas:
“Jam kthyer për të jetuar pranë njerëzve të mi dhe familjes sime. Ne në fakt këtë vit kishim një fat të madh që na u rrit paga. U zgjuam në mëngjes dhe thamë që paska një gjë të vërtetë. Unë paguhem 1.2 milionë lekë të vjetra”, shtoi më tej Maestro
