Aktualisht, në Top Channel, transmetohet sezoni i tretë i “Përputhen”, që sigurisht ka ngjallur sërish polemika. rikthehen
Shumë dinamika ka patur javët e fundit, kujtojmë këtu skandalin Alvisa-Hysen, hyrjen e Efit dhe marrëdhënien me Brunon, debatet e shpeshta të këtij të fundit me Mikelën.
Por duket se programi do të ketë ndryshime në vazhdim. Autorja Olsa Muhameti ka treguar në një pyetësor me ndjekësit në Instagram, se në vazhdim do të ketë hyrje të reja, pasi dinamika e programit e kërkon.
Ajo nuk e ka përjashtuar mundësinë e rikthimit në program të disa prej protagonistëve të sezonit të kaluar të cilët janë ende beqarë. Për të matur preferencën e publikut, ajo ka hapur edhe një sondazh duke pyetur ndjekësit nëse beqarët nga sezoni i kaluar duhet të rikthehen dhe çuditërisht shumica e votuesve ishin dakort me këtë ide.
Ndaj, mes duket programi do të ketë ndryshime, dhe ne na mbetet vetëm të presim…
