Elita Rudi edhe pse jo pjesë aktive e televizionit që kur u bë nënë për herë të parë me djalin e saj Zëri, gjithmonë ka arritur të jetë në vëmendjen e mediave.
Herë me video-t ‘funny’ duke kërcyer me bashkëshortin e saj, reperin Gjiko e herë duke postuar fëmijët e saj, prezantuesja bukuroshe nuk ‘humbi’ gjatë periudhës së saj të pauzës edhe nga rrjetet sociale.
Jo vetëm kaq, por bukuroshja para pak javësh mori pjesë në “Për’Puthen” në ‘prime-n’ e së shtunës ku dashamirësit e saj patën mundësinë ta ndiqnin pas aq shumë kohësh sërish në ekran.
Aty Elita u njoh edhe me prezantuesen Bora Zemani, e cila së fundmi ka qenë shumë e përfolur për lidhjen e saj me Donaldin, banorin më të përmendur nga “Big Brother VIP”. E teksa, situata me prezantuesen ka qenë në qendër të vëmendjes, në një intervistë të dhënë së fundmi, Elita nuk mund të shpëtonte pa u pyetur lidhur me këtë.
Në momente dobësie mundet me ndodhë diçka sepse ana e kundërt jo gjithmonë e sheh si shok. Siç e patëm rastin në “Big Brother” mes Donaldit dhe Beatrix-it. Bora Zemani është një zemër e bardhë, Borë e bardhë.
Së fundmi, në një bisedë me ndjekësit e saj me ‘Ask me a question’ në Instagram-in e saj, Elita kishte zbuluar se së shpejti do t’i rikthehej ekranit. Mami Elita u kujdes për fëmijët e saj dhe tani duket t’i kthehet pasioni të saj si prezantuese!
Pak ditë më parë, me anë të një postimi në llogarinë e saj në Instagram, Elita zbuloi se ka firmosur kontratën dhe tanimë çdo gjë është gati për t’ju rikthyer ekranit.