Ndryshe nga herët e tjera, finalja e “Big Brother VIP” do të mund të ndihet nga afër.
Këtë ka bërë me dije regjisori i programit, Eduart Grishaj, tek është shprehur se do të jetë një finale si asnjëherë më parë ku publiku do të ketë mundësinë të takojë nga afër banorët e shtëpisë më të famshme.
Fjalë të shumta që kanë qarkulluar thonë se finalja do të mbahet në stadiumin “Air Albania”, mirëpo kjo nuk është ende e konfirmuar nga vetë produksioni.
Faqja zyrtare e programit ka publikuar prej disa ditësh njoftimin për blerjen e biletave me të cilat fansat do të mund të takojnë banorët dhe t'i bashkohen festës së finales në shtëpinë e BBV.
Në portalin e Top Channel shihet se biletat fillojnë nga çmimi 500 Euro e sipër për t'u bërë pjesë e spektaklit.
Mbetet për t'u parë se sa e madhe do të jetë përfshirja e publikut në këtë festë të finales me çmimin e vendosur, ku duke marrë parasysh pagën bazë të vendit tonë, është një shumë goxha e konsiderueshme.
