Supriza e madhe e përgatitur nga produksioni për finalen e këtij edicioni të “Big Brother VIP” do të jetë kurorëzimi i dashurisë së Kiarës dhe Luizit në praninë te njerëzve të afërt.
Vip Magazine mëson se dëshmitare në dasmën e çiftit do të jetë gjyshja e moderatores, e cila njihet tashmë edhe nga publiku si nëna Leta.
Ky lajm ka shkaktuar reagime të shumta në rrjet, një ndër to edhe nga opinionistja Zhaklin Lekatari, e cila thotë se dy njerëz duhet t’i japin mundësi njëri-tjetrit të njihen jashtë një reality-show.
“Nuk mendoj që është vetëm tek seksi çështja. Dy njerëz që janë njohur brenda një formati mendoj që duhet t’i japin vetes kohën për ta njohur njeri tjetrin në jetën reale, me dinamikat dhe përgjegjësitë e veta, pa lupën e kamerave. Martesa është një pakt, një kontratë dhe është një hap që duhet menduar mirë sepse nis një dimension i ri. E kam parë si përgjegjësi të madhe prandaj dhe nuk jam martuar. Unë nuk futem dot brenda ndjenjave të njerëzve por bazuar në eksperiencën time nuk e shoh të pëlqyeshme që dy njerëz pa u njohur 100% të hedhin nje hap kaq serioz për të ardhmen e tyre.
Njëri nga ata jeton aty brenda mikrokozmosit të tij dhe se si do të jetë sjellja e tij, përshtypjet, feedbacku që do marrë jashtë këtë ne do ta shohim. Unë nuk do të doja të martohesha më një njeri që nuk e di se si është jeta jashtë. Luizi nuk e di çfarë përfaqëson jashtë as ai, nuk di as çfarë përfaqëson Kiara. Kjo lidhja seksuale është pjesë shumë e rëndësishme, nëse e shijon, keni energjinë e njëjtë, për të kuptuar nëse energjia është aty ku duhet të jetë. Më duket e frikshme ky hap i tyre.“- është shprehur opinionistja.
