Puntata e parë e emisionit “Në Kurthin e Piter Pan” solli mjaft zbavitje dhe të qeshura për të gjithë publikun.
Mirëpo, prej ditës së sotme në rrjete sociale qarkulloi një video, në të cilën dukej sikur moderatorja e programit Alketa Vejsiu injoroi fjalët e fëmijëve që njoftonin se njëri prej tyre ishte sëmurë.
Teksa një pjesë e njerëzve u revoltuan nga kjo video, Alketa deklaroi dhe sqaroi një herë e mirë rrjedhën e ngjarjes.
Nëpërmjet një videoje në Instagram, ajo postoi të gjithë situatën, të pamontuar, ku dukej qartë që pati një ndërprerje publicitare menjëherë pasi u lajmërua për gjendjen e djalit.
“SQARIM! Kur montoni videot ne Tik Tok, ju lutem perdorni versionin e plote dhe mos nxirrni fjalite jashte kontekstit!
Piter Pan eshte nje program viral per lezetin e batutave, por jo per te marre ekstrakte qe lindin keqkuptime, te shkeputura nga konteksti i vertete i ndjeshmerise njerezore qe gezoj per cdo qenie humane; vecanerisht femijet…qe jane bekimi me i madh
Nje program me protagoniste femijet, ka shume te papritura per t’u menaxhuar! Diku humbasim orientimin se ne kufje flet regjia, ne skene flasin asistentet e produksionit, prinderit nga ana tjeter natyrshem jane te shqetesuar, dhe femijet pastaj jane plot 14 ne panel dhe ndonjehere mund te behet ndonje reagim i vonuar!
Djali qe pati nje problem gjate Live ka pasur dashurine e te gjitheve ne, dhe te nenes e cila ishte ne publik dhe u perkujdes menjehere! ”- deklaroi ajo.
