Situata e gjendjes shëndetësore të Luizit është përfolur gjatë nëpër media dhe rrjetet sociale.
Edhe pse Luizi pranoi se ishte një gënjeshtër dhe gabim i tij, nga një pjesë e madhe e publikut besohet ende se ai është i sëmurë.
Këto dyshime po shtohen dita ditës për shkak të gjendjes jo të mirë shëndetësore që Luizi ka shfaqur këto ditë.
Madje, mbrëmjen e djeshme ai ka filluar të dridhet ndërsa Nita i ka qëndruar afër duke e pyetur nëse kishte nevojë për diçka.
Mirëpo, Luizi e ka shmangur e më pas ka shkuar në dhomën e rrëfimit.
Gjithashtu, episode të tjera kanë bërë me dije se mjekët kanë mbërritur në shtëpi për Luizin.
Kjo gjë është folur nga Maestro, ndërsa Kiara i ka kërkuar mos t’a diskutojë si çështje. Ajo ka folur edhe me Ermionën dhe i ka thënë se Luizit i nevojiten ilaçe specifike.
Gjithashtu, kjo situatë është mbajtur jashtë kamerave.