“Big Brother VIP” pritet të startojë në ekran në fillim të muajit tetor 2021.
Emisioni do të drejtohet nga Arbana Osmani, informacion i cili pak ditë më parë u bë publik.
Një emër tjetër që lakohej për drejtimin e këtij emisioni ishte edhe Luana Vjollca, por drejtuesit e Top Channel, ia besuan drejtimin Arbanës, moderatores simpatike, e cila identifikohet me Big Brodher-in në Top Channel.
Kjo duket se ka qenë edhe arsyeja që ishte besuar drejtimi Arbanës, eksperienca me emisionet e kaluara.
Dy emrat e parë që përfliten se do të jenë pjesë e këtij formati janë dy personazhe nga emisioni “Përputhen”, Shqipja dhe Tean.
Dy vajzat kanë pasur mosmarrëveshje tek ‘Përputhen” dhe debatet e tyre shpeshherë kanë degraduar në ofendime.
Mbetet për t’u parë se si do të jetë sjellja e tyre në Big Brodher, gjithnjë nëse ato do të jenë pjesë ashtu siç thuhet./
