Edhe pse ka patur përplasje dhe debate të ashpra mes Luizit dhe Armaldos, Kiara ka arritur të mbajë një marrëdhënie të mirë me këtë të fundit brenda shtëpisë së “Big Brother VIP”.
Mirëpo me rastin e propozimit të Luizit për Kiarën, ndjekësit vunë re se mungoi një urim nga ana e Armaldos.
Tenori ka organizuar së fundmi një pyetësor në InstaStory, ku nuk munguan pyetjet për urimin e munguar për çiftin.
Por, Armaldo tregoi se e ka telefonuar Kiarën dhe e ka uruar privatisht.
“E urova. Kur t’a takoj do ju them patjetër. Dasmën do e keni live në Top Channel se aq interes që keni do jetë dasma e vitit.”- shkroi Armaldo ndër të tjera.
Ai u pyet gjithashtu për debatin më të përfolur të momentit në shtëpinë e BBV, atë mes Efit dhe Luizit, ku Armaldo duket se mban anën e këtij të fundit.
Ai thotë se Luizi ka një intuitë shumë të fortë dhe rikujton se ai ishte i vetmi që e gjeti se zarfi në shtëpi kishte shkuar për Xhonatanin.
Ndaj, mendon se Efi po e përdor Luizin dhe duke qenë se intuita e tij nuk gabon, ai ka të drejtë.
