Tashmë jemi në dijeni se shoqëria e fortë mes Andit dhe Atdheut ka mbaruar prej kohësh, e kjo u kuptua nga postimet e Atdheut në InstaStory, ku shprehej se ua ka hequr vizën disa personave që i konsideronte vëllezer dhe që ia kanë punuar pas krahëve.
Atdheu ka treguar se ka qenë ai që ka bashkuar Andin dhe Jasminën gjatë krizave në lidhje, por në momentin që ata u ndanë përfundimisht Andi i kërkoi Atdheut të mos publikonte më foto me Jasminën dhe ai e respektoi kërkesën e shokut.
Nga ana tjetër, sipas Atdheut, Andi nuk bëri të njëjtën gjë në momentin që ai u nda nga Sara.
I ftuar sot te Shqipëria Live, Andi tha se nuk ka miqësi me të, por ai me vëllain e tij të madh flet normalisht. Madje Andi shtoi se Atdheu është kokfort, ka kuptuar gabimin e tij dhe se po pret falje prej tij.
Pas këtyre deklaratave Atdheu shkroi në InstaStory:
“Jam mjaftueshëm i rritur dhe i vetdijshëm për gabimet që bëj në jetë dhe nuk kam pas kurrë turp të kërkoj falje për ato gabime paske dal sot me deklaratë që do nga unë të them më fal po ska gjë do kalojnë dhe ca vite do rritesh dhe pak dhe do i kuptosh dhe do i shofësh gjërat ndryshe, por fal e ke edhe këtë herë si shumë herë tjera veç pse qënke mirënjohës se kam mendu që edhe këtë nuk e ke suksese në jetë, mos prit gjë nga unë për gabimet e tua se do plakesh nëse e pret atë ditë të vijë”,- shkroi ai.
