Mbreti Charles mesa duket është i gatshëm t’u japë fëmijëve të Meghan Markle dhe princit Harry titujt princ dhe princeshë por ka një kusht.
Sipas ekspertes mbretërore, Katie Nicholl, mbreti i ri kërkon besim nga djali dhe bashkëshortja e tij, me të cilët ka pasur një marrëdhënie të tensionuar.
Duke folur gjatë episodit të fundit të The Royal Beat, Katie diskutoi spekulimet nëse fëmijët e Harry dhe Meghan, do të njihen zyrtarisht me titujt e rinj.
Pasi mbretëresha Elizabeth ndërroi jetë me 8 Shtator, fëmijët e dyshes së njohur kanë të drejtë të marrin këto tituj si nipi e mbesa e monarkut.
Ajo tha se Mbreti është ‘i gatshëm t’i japë ata tituj, por kjo vjen me një paralajmërim, dhe ai paralajmërim është besimi.
Një nga gjërat interesante që doli në të gjithë këtë ishte spekulimi rreth titujve për Archie dhe Lilibet, nëse ata do të njiheshin zyrtarisht si Princi dhe Princesha.
Ata mbeten ‘Miss’ dhe ‘Master’ aktualisht. Dhe më është thënë se ky është një sinjal shumë i qartë nga Mbreti.
