Zelanda e Re ka njoftuar një mbyllje të menjëhershme pasi një burrë rezultoi pozitiv me Covid. Ky është rasti i parë në gjashtë muaj dhe u zbulua në Auckland, që do të jetë në mbyllje për një javë, ndërsa pjesa tjetër e vendit do të jetë në izolim për 3 ditë. Autoritetet thonë se po punojnë mbi supozimin se rasti i ri ishte varianti Delta.
Coromandel, një qytet bregdetar që personi i infektuar kishte vizituar, do të jetë gjithashtu në mbyllje për 7 ditë.
Kryeministrja Jacinda Ardern tha se kërkoheshin rregullat më të ashpra të “nivelit 4” – mbyllja e shkollave, zyrave dhe të gjitha bizneseve dhe vetëm shërbimet thelbësore të mbeten funksionale.
Thuhet se pati një dyndje në supermarketet në Auckland, pasi vendasit parashikuan një mbyllje të menjëhershme.
Zelanda e Re ka qenë e suksesshme në eliminimin e virusit brenda kufijve të saj. Sidoqoftë, programi i vaksinimit në vend ka ecur me një ritëm të ngadaltë, ku vetëm rreth 20% e njerëzve janë vaksinuar plotësisht dhe 33% kanë marrë një dozë, sipas Our World in Data.
Burimi: BBC