Le ta pranojmë! Nuk është aq e thjeshtë të jesh single ndërkohë që do të jesh në një lidhje.
Bota virtuale dhe aplikacionet e ndryshme ndoshta e lehtësojnë pak procesin, por ndonjëherë ndodh edhe e kundërta.
Gjithsesi, edhe dëshira për të takuar dikë në mënyrë organike mund të shoqërohet me stres apo të shkaktojë ankth. Ndodh që njerëzit ndonjëherë e nxjerrin veten komplet jashtë botës së takimeve sepse besojnë në disa mite që s’duhet të besojnë.
3 më të famshmet i mësoni tani.
Miti nr.1: Unë duhet të dua veten para se të dua dikë tjetër
Duhet t’i kujtoni vetes se kur nisni një lidhje me dikë është e mundur që marrëdhënia të jetë e shëndetshme edhe nëse ti me veten ke probleme ende të pazgjidhura. Mund të punosh me veten pa i shkaktuar probleme marrëdhënies.
Njerëzit nuk ndihen mirë gjatë gjithë kohës. Stresi, ndjeshmëria, pasiguritë emocionale herë pas here na mundojnë të gjithëve, por zgjedhja nuk është t’i largoheni marrëdhënieve romantike me pretekstin se më parë duhet të doni vete.
Miti nr.2: Bota e dating duhet të jetë qejf
Eshtë një pakicë shumë e vogël njerëzish që përjetojnë eksperienca të shkëlqyera në takimet e para dhe jo vetëm. Jo gjithmonë gjërat shkojnë si do të donim ne. Në fakt, njohjet kërkojnë impenjim dhe shumë punë. Sigurisht që duhet t’ju shijojë procesi i njohjes, por mos mendoni se do të jetë gjithnjë kjo eksperienca që do të jetoni.
Miti nr. 3: Unë duhet të jem i motivuar që të dal në takime të reja
Njerëzit ndonjëherë e humbasin dëshirën për të arritur një objektiv edhe nëse ndoshta e duan një lidhje. Kur e ndjeni që motivimi është sfidë më vete, provoni veten sa sfidues është ky proces dhe fokusohuni tek gjërat që doni të arrini. Pra, fokusin mbajeni tek vlerat jo tek frikërat që mund të keni.
Kur më në fund po mendoni t’i hyni botës së njohjeve, por për një arsye apo tjetrën hezitoni, fokusohi tek objektivi final dhe ajo çfarë është e rëndësishme për ju. Eshtë ok që për një periudhë kohe të mos ju entuzizmojë ky proces. Edhe nëse ju shkakton ankth apo stres duhet të dini se është normale, por ajo çfarë duhet të bëni është të pranoni frikërat tuaja dhe të lini vlerat të drejtojnë sjelljet që bëni.
Burimi: Psychology Today
