Sot në emisionin “Live from Tirana” ishte e ftuar në studio ish-konkurrentja e “Big Brother Vip”, Xheisara Frisku. media wiki
Xheisara nuk pati mundësinë të qëndronte shumë gjatë brenda shtëpisë më të famshme në Shqipëri, por pjesëmarrja e saj në këtë edicion ka shkaktuar jo pak bujë në mediat sociale, duke nisur që nga historia e dhimbshme e jetës së saj që ajo vendosi ta ndajë me publikun si dhe fakti që po përfiltet kudo një martesë e mundshme e këngëtares.
Për të gjitha këto Xheisara na sqaron, duke e pyetur fillimisht se si ka qenë eksperienca e saj në momentin që ka dalë jashtë nga “BBV”?
E kam marrë veten, me kalimin e kohës mësohesh me jetën jashtë. Njerëzit më kanë dhuruar energji pozitive edhe për aq pak sa ndejta. Unë mendoj se e fitova “Big Brother”-in tim. Unë nuk e prisja që do të dilja por Tani doli më i forti, na tha do ju përcjell të gjithëve, do shkojë në finale.(qesh) Ditën që kam dalë nuk i kisha bërë gati rrobat.
Një javë pushova dhe pas një jave u ktheva në punë. Unë kam 7 vjet që këndoj live, 5 vjet që punoj me bandën dhe mu desh të isha pjesë e “Big Brother” që duartrokitjet të mos pushonin për 5 minuta.
Cilat janë disa nga gjërat që ne si publik nuk i shohim nga ekrani? A janë vërtet banorët ashtu siç ne kemi krijuar përshtypjen se janë?
“Lojtare aty është Beniada, ka zgjedhur mënyrën më të bukur për të luajtur. Nëse të gjithë ulërasin ajo me shumë dashuri, edhe kur i thua sot je veshur si katunare del para kameras dhe përshëndet të gjithë katunarët. Është goca më e sinqertë por është më e zgjuara aty. E vetmja gjë që i kam komentuar kur ka dalë nga vetja i kam thënë: “Ah çfarë je një ti”. Loja e saj ia vlen, është e bukur” u shpreh Xheisara.
Kujtojmë se Xheisara pati një përplasje me Einxhel, sa arriti deri në atë pikë ku u shpreh se nuk e duronte dot.
“Në rastin konkret në muhabetin me Einxhel, realisht e kam menduar nga jashtë që do të ishte më suportuese. Kam ardhur brenda dhe kam parë që është shumë e përfshirë në lojë.E ka, duruar për një jave duke më hedhur kunja lart e poshtë, sepse më ka hedhur kunja pafund. Jam përtypur. Meqë doli, reagova. Po mos të kishte dalë, nuk do të kisha reaguar. Nuk bie pre e provokimeve të këtyre unë.”,- tha ajo.
Mesa duket pas daljes, ish-banorët çdo gjë e shohin ndryshe. Në një pyetësor , Xheisarën e kanë pyetur se ç’mendon për Einxhel dhe ajo ka shkruar se Einxhel është super vajzë me super karakter dhe super e dashur.
Në emisionin “Fan Club”, Xheisara u shpreh se u pendua që zbuloi historinë e familjes po ishte në një moment kur kishte nevojë që të dinte se çfarë bëhej me të afërmit e saj që ndodheshin jashtë.
Gjithashtu tregoi se donte të bënte një tjetër lojë por zgjodhi të qëndronte e qetë.