Rritja e çmimit të naftës është pranë niveleve më të larta disa-vjeçare, duke shkaktuar krizë në tregun vendas.
Nuk mjaftonte rritja e çmimeve tavan të produkteve e shërbimeve por u rrit me shifra marramendëse edhe çmimi i naftës i cili ka pësuar rritje për herë të shtatë radhazi në vetëm pak muaj.
Ndërkohë ditën e sotme në pikat me pakicë, nafta rezulton e shtrenjtuar ku një litër po tregtohet me 193 lekë, duke pësuar një rritje me më shumë se 5 lekë për litër.
Shkaku kryesor në rritjen e naftës gjatë kësaj periudhe ka qenë shtrenjtimi i karburantit në bursa ku një fuçi naftë është shitur 90 dollarë, çmim ky që nuk ishte parë që nga tetori i vitit 2018. cmimi i naftes
Gjithashtu një tjetër arsye mjaft e rëndësishme e cila ndikoi drejtpërsëdrejti në rritjen e çmimit të naftës duke e çuar kështu drejt 200 lekëshit, lidhet me paketën e fundit fiskale e cila parashikon indeksimin e akcizës me inflacionin, që ka filluar të zbatohet nga tregtuesit. cmimi i naftes
Pra inflacioni ka arritur në nivelin më të lartë të dekadës prej 3.7%, ndërsa mesatarja vjetore e 2021 sipas Instat është 2%. Vetëm nga indeksimi i inflacionit nafta është shtrenjtuar me rreth 3-4 lekë për litër.
Kujtojmë se aktualisht nafta në vend ka kapur nivele rekord historike prej 190-200, duke tejkaluar nivelin më të lartë prej 190 lekësh që u arrit në periudhën 2008-2009, kur ari i zi në bursa i kaloi 140 dollarë për fuçi.
Ndërsa aktualisht në bursa, nafta tregtohet me 90 dollarë, por rritja e taksave mbi këtë produkt që nga ajo kohë ka bërë që karburanti në tregun vendas të tregtohet më shtrenjtë. Aktualisht taksat mbi naftën arrijnë në 110-120 lekë për litër, pas shtrenjtimit të fundit (nga akciza, rilicencimi, skanimi, markimi), ose 38 lekë më shumë se 10 vite më parë.
Ndërsa nga 1 janari këtyre taksave iu shtua dhe indeksimi i inflacionit, që sipas aktorëve duhet të rishikohet çdo tre muaj.
Burimi: /Gazeta Reforma
