Mëngjesin e ditës së sotme, policia italiane ka arrestur 13 persona që dyshohen për trafikim droge, ku në mesin e tyre është edhe këngëtarja shqiptare Elsa Lila.
“Corriere della Città” ka publikuar edhe pamjet nga momenti i arrestimeve që janë kryer.
Elsa Lila është kapur nga policia e Romës si pjesë e një grupi që trafikonte drogë.
Gjatë këtij operacioni, janë sekuestruar gjithsej 5 kg kokainë, 43 kg marihuanë dhe 82 kg hashash.
Sipas “Corriera della Citta“, bëhet e ditur se 41-vjeçarja, Elsa Lila kishte për detyrë të menaxhonte llogaritë e grupit.
Aktualisht është në kërkim një tjetër shtetas shqiptar, i cili ka pasur rolin kyç në gjithë këtë organizim.
Bëhet e ditur se grupi ishte i përbërë nga shqiptarë dhe italianë. Përveç këngëtares shqiptare janë të arrestuar edhe disa boksierë shqiptarë.
I përfshirë është edhe boksieri Petrit Bardhi, i njohur si “Titty”. Sipas “La Republica”, hetimet janë zhvilluar nga prokuroria e Romës dhe drejtoria e Antimafias.
