Gjatë natës së djeshme, banorët e shtëpisë së “Big Brother VIP” po diskutonin nëse ka kamera në tualete.
Ishte Tan Brahimi që tregoi si fillim se diçka e tillë nuk mund të ndodhë, mendim i cili u mbështet dhe nga Ermiona.
Mirëpo në momentin që Luizi filloi të fliste, u dëgjua një zhurmë e madhe në shtëpi, e cila u cilësua si një shenjë nga produksioni që diskutime të tilla nuk duhet të bëhen.
Por, a ka vërtet kamera në tualetet e BBV?
Për këtë temë ka folur pak më parë producentja e këtij programi, Sara Hoxha, teksa ishte e ftuar në “Goca & Gra”.
Sara tregoi me batutë se diçka e tillë nuk i lejohet t’a tregojë, ndërsa më pas sqaroi se kjo pjesë e shtëpisë nuk survejohet nga kamerat.
“Ambienti është privat”, u shpreh ajo.
Sa i përket diskutimit të banorëve ditën e djeshme në lidhje me kamerat, mund t’a shihni në videon e mëposhtme. /Lokimagazine.com
