Futbollisti danez Christian Eriksen nuk ka gjasa të luajë përsëri në mënyrë profesionale pasi pësoi atë që u raportua të ishte një arrest kardiak, sipas një kardiologu sportiv.
Mesfushori u rrëzua në fushë gjatë ndeshjes së vendit të tij në Euro 2020 kundër Finlandës dhe duhej të “ringjallej” para se të dërgohej në spital.
Pas ngjarjes, u tha se Eriksen, 29 vjeç, ishte në gjendje të qëndrueshme, por ende nuk është konfirmuar publikisht se çfarë qëndronte pas sëmundjes së tij.
Sanjay Sharma është profesor i kardiologjisë sportive në universitetin St. George në Londër dhe ka punuar me Eriksen gjatë kohës së tij në Tottenham Hotspur.
Ai tha:
“Padyshim që diçka shkoi shumë keq. Por ata arritën ta kthejnë atë përsëri, pyetja është se çfarë ndodhi? Dhe pse ndodhi? Ky djalë kishte teste normale deri në 2019 kështu që si shpjegohet një arrest kardiak?”
Mjeku shtoi se “organet e futbollit në Mbretërinë e Bashkuar ka të ngjarë të jenë shumë të rreptë për ta lejuar Eriksen të luajë përsëri”.
“Arresti i tij kardiak ka tronditur të gjithë kombin sot. Lajmi i mirë është se ai do të jetojë, lajmi i keq është se ai po vinte në fund të karrierës së tij, kështu që a do të luajë një lojë tjetër futbolli profesionist? Këtë nuk mund ta them me siguri. Në Mbretërinë e Bashkuar ai nuk do të luante. Ne do të ishim shumë të rreptë për këtë.”
Prof. Sharma thotë se shkaqet e arrestit kardiak të Eriksen mund të përfshinin një gjendje shëndetësore të paidentifikuar ose një temperaturë të lartë.
“Thënë shumë troç, ai vdiq sot, megjithëse për disa minuta, por ai vdiq. A do ta lejonte një mjek profesionist që të vdiste përsëri? – Përgjigjja është ‘jo’.”
Futbollisti i Bolton Wanderers, Fabrice Muamba përjetoi një kolaps të ngjashëm pasi pësoi një arrest kardiak gjatë një ndeshjeje kundër Tottenham Hotspur në mars të 2012-ës. Ai u tërhoq nga futbolli zyrtarisht 5 muaj më vonë.
Një nga mjekët e tij, Sam Mohiddin tha për BBC: “Arresti kardiak është një moment rreziku ekstrem.”
/Sky News
