Teksa ishte e ftuar në një prej rubrikave të “E Diell”, Liesa Haxhiasllani u pyet edhe për mënyrën se si e sheh situatën e mikeshës së saj Kiarës me Luizin.
Liesa u shpreh se i sheh vetëm si dy shokë, madje shtoi se uron mos të ndodhë një puthje mes tyre.
Kjo deklaratë e saj bëri bujë në rrjetet sociale dhe u komentua se shoqja e ngushtë e Kiarës është kundër një lidhje të saj me Luizin.
Ndaj, ditën e djeshme ajo dha një shpjegim rreth deklaratës së saj dhe u shpreh se është keqkuptuar.
“U pyeta se çfarë mendoj për puthjen dhe në atë pikë të lojës thash uroj që mos të ndodhë. E kanë keqinterpretuar dhe kanë thënë se “Mikesha e Kiarës thotë se uron që puthja mos të ndodhë kurrë”, gjë që unë nuk e kam thënë. Se puthet apo jo Kiara është pjesë e saj dhe Luizit. Ne jemi thjesht miqtë e Kiarës që shohim lojën e saj dhe komentojmë lojën e Kiarës, Luizit, gjithë banorëve. Te pjesët intime të romancës e dinë ata, ne thjesht japim disa komente. Po të hapim telefonin tim tani kemi luftë komentesh. Unë mendoja se në atë pikë të lojës po të ndodhte puthja do mbaronte loja, do ikte interesi.“- tha Liesa në “Breaking”.
