Disa javë më parë Albano Bogdo bëri një deklaratë të papritur, teksa njoftoi largimin e tij “përfundimtar” nga ekrani.
Një njoftim ky që surprizoi jo pak publikuan e mësuar ta shohë si pjesë e “Klanifornia” prej disa sezonesh tashmë.
E në fakt vendimi i Bogdos duket se nuk ka zgjatur shumë sepse aktori është parë sot në një postim të kolegut të tij, Julian Deda, si pjesë e kastit të sezonit të ri të emisionit kabare.
Nuk e dimë nëse deklarata fillestare ishte thjesht një strategji e Albanos, ndonjë batutë e tij apo diçka tjetër, ose ndoshta oferta e re për të nga “Klanifornia” ka qenë shumë e mirë për t’u refuzuar, por gjithsesi aktorin do e kemi shumë shpejtë sërish pjesë të televizionit.
