Jennifer Lopez thuhet se është martuar fshehurazi me të dashurin Ben Affleck. Dyshja me famë botërore, që u ribashkua pas afro dy dekadash sërish, përfliten se i kanë dhënë fund beqarisë në një ceremoni private.
Ceremonia thuhet se është mbajtur në një hotel në liqenin Oconee në Gjeorgji.
Ata kanë preferuar të veprojnë në fshehtësi të plotë, shumë ndryshe nga mënyra se si çifti e jetonte romancën dhe fejesën në vitin 2003, pasi u pagëzuan nga tabloidët si ‘Bennifer’.
Thuhet se të ftuarit kanë nënshkruar një marrëveshje për të mos zbuluar asnjë detaj për ceremoninë.
Megjithatë, ende nuk ka një konfirmim zyrtar nga ana e çiftit. Kujtojmë që ata u ribashkuan në vitin 2021 vetëm pak kohë pasi këngëtarja i dha fund fejesës me Alex Rodriguez, me të cilin kishte planifikuar dhe martesën.
