E ftuar ditën e sotme në “Pardon My French”, Zhaklina Gjolla, ndër të tjera foli edhe për skualifikimin në Prime-n e fundit të Kejvina Kthjellës.
Gazetarja e njohur e komentoi përjashtimin e Kejvinës, për të cilën produksioni mori vendimin që të largohej pas dhunës (shuplakave) ndaj Luiz Ejllit gjatë debatit të tyre.
“Kush e përjashtoi? Vetja. E di pse? Sepse unë mendoj që Kejvinës ju mbush mendja se brenda në shtëpi, që pozitiviteti dhe të qenurit një njeri normal nuk ecën dhe Kejvina normale që ne po shihnim, mendoj që nuk do të vlerësohej, sepse meqenëse Olta brenda shtëpisë shihej si një konkurrente shumë e fortë, pasi nuk dihet nga banorët brenda shtëpisë që Olta ka atë lloj përçmimi nga publiku, ajo ka menduar që “Okej, Olta është më e forta e shtëpisë se u tregua shumë agresive dhe bëri këtë gjë, kështu që mund të bëhem edhe unë agresive”. Kejvina filloi ta shtonte dozën e agresivitetit dita-ditës. Kejvina pati pak më shumë kohë, dhe mendoj që arriti në këtë përfundim që brenda kësaj shtëpie u vlerësonka agresiviteti dhe kjo bën show dhe spektakël, prandaj dhe unë po i dedikohem anës sime agresive. Unë mendoj që kjo u luajt në mendjen e Kejvinës dhe fakti që presioni i kohës u shtua.”
Kujtojmë se Zhaklina i dha fund rrugëtimit të BBV pak ditë pas hyrjes. Ajo pati disa debate të ashpra me Oltën, duke u detyruar të largohet nga shtëpia pas një gjendje të rënduar psikologjike.
