Pasi konfirmuan filmin e dhjetë të sagës së famshme një lajm aspak i mirë duket në horizont pasi regjisori Justin Lin ka dhënë dorëheqjen nga ky pozicion.
Fansat ishin tepër të emocionuar për filmin e ri që po prodhohej “Fast X” por ky lajm i beftë po vë ne pikëpyetje fatin e filmit.
Vin Diesel e kishte quajtur Justin si “arkitekt dhe baba” të sagës së famshme në të gjithë botën dhë pikërisht filmat e tij kishin qenë ato me më shumë fitim duke kapur shifra marramendëse.
Madje pikërisht Diesel kishte postuar një video në Instagram bashkë me Lin duke festuar për nisjen e prodhimit të “Fast X”.
Justin Lin bëri një deklaratë duke njoftuar për vendimin e vështirë si dhe për shkëputjen miqësore nga filmi.
Gjithsesi ai do vazhdojë të mbetet producent akoma.
Fansat kanë nisur spekulimet për fatin e filmit të radhës si dhe kush do të zëvendësojë Justin.
Disa zëra sugjerojnë që do jetë vetë Vin Diesel që do marrë përsipër këtë detyrë pasi ai është shumë i lidhur shpirtërisht me filmin por këto mbeten vetëm thashetetheme për momentin.
Ka dhe të tjerë pesimistë që mendojnë se filmi mund të anulohet përballë këtyre vështirësive por është më mirë të presim një njoftim tjetër para se të dalim në konkluzione para kohe.
