Pak javë më parë, Arbër Xhaja ose i njohur ndryshe si “Piloti i zemrave” ishte i ftuar në një intervistë për RTV Ora.
Ndër të tjera, ai tregoi se për shkak të bujës që situata me sëmundjen e Luizit shkaktoi në media dhe rrjet, nuk do të lejoheshin surprizat për këngëtarin deri në një vendim tjetër.
“Siç e dimë tani, produksioni ka marrë një vendim që të mos lejohen më fluturimet për momentin dhe unë meqënëse kam qenë pjesë edhe vjet e Big Brotherit, vendosa ta respektoj vendimin e tyre”, tregoi piloti asokohe.
Mirëpo së fundmi Xhaja ka dhënë disa detaje të tjera që lidhen me lojën e produksionit të BBV.
Teksa postoi një video në Instagram, ai tregoi se ndryshe nga Bledi, Luizi apo Kiara, për Armaldon nuk i është kërkuar kurrë një dron.
Xhaja shtoi se dronet që po dërgohen në shtëpinë e BBV për Armaldon janë nga produksioni.
