Pas një pushimi të gjatë nga rrjetet sociale, Pete Davidson është rikthyer në Instagram. Dhe duket se i ka hedhur një kunjë Kanye West.
Komediani nuk ka postuar ende asgjë në faqen e tij, por ka vendosur një ‘link’ në ‘bio’-n e tij të Instagramit, e cila të dërgon në një video në YouTube ku thuhet:
“Më mirë të jesh një mbret për një natë se sa një fodull për gjithë jetën”
Disa fansa besojnë se klipi ishte një mesazh për reperin. Ata direkt shkuan në seksionin e komenteve për të diskutuar përgjigjen e Pete ndaj Kanye, i cili ka pasur shumë gjëra për të thënë për Kim-in, qoftë të mira apo të këqija ato.
“Përtej shakave, Pete po e trajton këtë situatë me shumë klas. Ye vazhdon t’i bie vetes.”, shkroi një përdorues.
Kanye e ka kërcënuar publikisht Pete. Pak ditë më parë, reperi ndau një screenshot të mesazheve me Kim ku kjo e fundit i kërkonte mos ta sulmonte më Pete sepse po e rrezikonte. “Mos i bëni gjë se merrem vetë me të!”- shkroi Kanye krah postimit.
Po ashtu, gjatë festës së dëgjimit të “Donda 2” ai këndoi një këngë ku shprehej se “nëse merresh me familjen time unë të vë në rrezik.”
