Meri Shehu e ftuar sot në “E diell”, duke folur për Luizin dhe Kiarën tha se shenjat e tyre të horoskopit përputhen, por nuk u shpreh shumë entuziaste pë r lidhjen e tyre.
Astrologia tregoi se dyshja përputhen por përsa i përket martesës mes tyre, ose do të ndodhë shumë shpejt ose fare.
“Sipas shenjave astrologjike dhe duke u kapur vetëm tek shenja, jo tek karakteri që ata kanë shprehur, këto dy shenja përputhen shumë bukur për një lidhje ose për një martesë. Gaforrja (Luizi) është më e ndjeshme kërkon familje, Bricjapi (Kiara) është më i ftohtë nga natyra, por joshet shumë nga ndjeshmëria e Gaforres dhe bie në kthetrën e Gaforres. Luizi ka ritme të shpejta, kurse Kiarën nuk e kuptoj shumë. Mund të ndodhë shumë shpejt ose mund të mos ndodhë fare”, tha Meri.
Ditën e sotme një deklaratë e fortë erdhi nga motra e Tea Trifonit. Teksa ishte e ftuar në “Fan Club”, ajo u shpreh se Tea nuk ka pëlqim për Luizin, por shtoi se ky i fundit ka më shumë pëlqim për Tean sesa për Kiarën.
“Tea analizon në fillim, pastaj futet. Ndryshe nga Luizi. Ndaj nuk kanë patur kimi. Pas këngës që performuan bashkë këtë javë u duk se çdo gjë ndryshoi. Folët vetëm për Tean, por të njëjtat veprime bën dhe Luizi. Si shokë janë shumë komodë dhe flasin për gjëra të ndryshëm. Nëse Luizi do kishte disa kufij, do ishin shokë të mirë. Nuk mendoj se Luizi ka ndonjë qejf të madh për Kiarën. Thjesht e filloi lojën ashtu dhe do e vazhdojë tani. Tea i është afruar që në fillim kur Luizi nuk kishte kaq shumë bujë. Nuk besoj se po i afrohet që të marrë më shumë vëmendje. Tea nuk mban mëri edhe pse Luizi e ka zhgënjyer. Besoj se do afrohen. Ata kuptohen shumë mirë dhe u shkon shumë mirë biseda. Gjithsesi, kjo varet nga Luizi.”– tha motra e Teas.
