Tekstshkruesja e njohur Skylar Grey-t së fundmi ka shitur katalogun e saj muzikor për të përballuar divorcin nga kantautori Elliott Taylor. Grey tha në një intervistë se:
“Që nga viti 2017, po kaloja një divorc dhe një proces gjyqësor, gjë që po më shkatërronte emocionalisht dhe financiarisht. Vitin e kaluar, 2021, më në fund e zgjidhëm, e vendosëm, më duhej të shisja katalogun tim për të përballuar zgjidhjen, gjë që ishte shumë e trishtueshme në njëfarë mënyre, sepse ato këngë si ‘Love The Way You Lie’ dhe ‘Coming Home’ janë si fëmijët e mi.”
Gray shkroi superhitet “Love the Way You Lie” për Eminem dhe Rihanna dhe “Coming Home” për Diddy, të dyja të publikuara në vitin 2010.
Ajo gjithashtu kontribuoi në performancën e Dr.Dre të “I Need a Doctor” në Grammy 2011.
Ndërkohë, Grey dhe Taylor bashkë-shkruan “Falling in Love Again” të Celine Dion për albumin e ikonës pop të vitit 2019, “Courage”.
“Askush nuk mund të më thotë se nuk i kam shkruar ato këngë vetëm sepse nuk i kam më të drejtat për to. Nuk doja t’i shisja, por ishte mënyra e vetme për të lënë pas të kaluarën.”
Edhe pse muzikantja nuk donte kurrë të hiqte dorë nga të drejtat për hitet e saj, ajo ndihet e lehtësuar që ato e ndihmuan të çlirohej nga martesa e saj.
“Unë kam hequr një peshë kaq të madhe tani pasi çështja ka përfunduar. Nuk jam në telefon me avokatët çdo ditë dhe nuk më duhet të paguaj më të gjitha këto fatura ligjore. Tani jam e fokusuar vetëm në krijimin e një katalogu të ri dhe mundësive të reja.”
Megjithatë, ajo ende e kujton punën e saj të kaluar me një ndjenjë krenarie.
“Këngët e mia janë ende të dashura për mua dhe po, do t’i vlerësoj gjithmonë ato, por tani është ndryshe. Sa herë që një nga ato këngë përdoret në një film apo diku tjetër, unë nuk marr më asnjë nga ato para. Por për fat të keq, pjesa më e madhe e asaj që pagova për katalogun tim shkoi për taksat dhe për ish-bashkëshortin tim.”
Grey është rikthyer në qendër të vëmendjes me një album të ri që ajo e përshkruan si një çlirim pas divorcit
