Eni ishte një nga djemtë e shtëpisë së “Big Brother VIP” i cili shprehu një pëlqim ndaj Teas, mirëpo për shkak se rrugëtimi i tij u ndërpre shpejt ishte e pamundur të krijohej një marrëdhënie më shumë se shoqëri mes dyshes.
Mirëpo, ata i kishin premtuar njëri tjetrit një takim jashtë shtëpisë, i cili u realizua pak ditë më parë.
Për të folur rreth këtij takimi, Tea ka qenë e ftuar ditën e sotme në një intervistë për “Top Albania Radio”.
Ish banorja tregoi se në takimin me Enin folën kryesisht për eksperiencën e tyre në “Big Brother VIP”, ndërsa teksa u pyet nëse e sheh Enin më shumë se shok, Tea u përgjigj:
“Nuk është zakonisht tipi i djalit që unë zgjedh, ama është goxha djalë. Është shumë i bukur, ka shpirt të pastër. Pse mos t’a pëlqesh? Gjithsesi, nuk e di çfarë do ndodhë”- u shpreh Tea ndër të tjera.
