Futbollisti Leo Messi ka realizuar ëndrrën e tij teksa dy ditë më parë fitoi Kupën e Botës përballë Francës.
Sot përmes një postimi në Instagram, ai tregon se nuk ndaloi kurrë duke luftuar për këtë ëndërr edhe pas zhgënjimeve.
Kampioni shkruan se kjo fitore është për Diego Maradonën që e inkurajoi nga parajsa dhe nuk lë pa falenderuar që nga shokët e skuadrës e deri tek njerëzit që kanë punuar për të.
Në videon e publikuar Messi ka mbledhur disa nga momentet e tij ndër vite, që nga koha kur luante në skuadrën Grandoli e deri tek fitorja e Kupës së Botës
“Nga Grandoli në Kupën e Botës në Katar, kaluan gati 30 vjet. Ishin afër tre dekada në të cilat topi më dha shumë gëzime dhe gjithashtu pak trishtim. Gjithmonë kam pasur ëndrrën për të qenë kampion bote dhe nuk doja të ndaloja së provuari, edhe duke e ditur se mund të mos ndodhte kurrë.
Kjo Kupë që fituam është edhe për të gjithë ata që nuk e arritën në Botërorët e mëparshëm që luajtëm, si në vitin 2014 në Brazil, ku të gjithë e merituan për shkak se si luftuan deri në finale, punuan shumë dhe e deshën aq sa unë… Dhe e merituam edhe në atë fund të mallkuar.
Është gjithashtu për Diegon që na inkurajoi nga parajsa. Dhe për të gjithë ata që e kanë financuar gjithmonë Kombëtaren pa parë aq shumë rezultatin, por dëshirën që kemi vënë gjithmonë në të, edhe kur gjërat nuk shkonin ashtu siç donim.
Dhe sigurisht, për këtë grup të bukur që u formua dhe nga stafi stërvitor dhe të gjithë njerëzit e kombëtares që duke qenë anonimë, punojnë ditë e natë për ta bërë më të lehtë për ne.
Shumë herë dështimi është pjesë e rrugëtimit dhe e të mësuarit, dhe pa zhgënjim është e pamundur që të vijë suksesi.
Faleminderit shumë nga zemra! Jepi Argjentina!!!”, ishte ky reagimi i Messit pasi u shpall fitues i Kupës së Botës.
