Nëse jeni përdorues të rrjeteve sociale, sidomos të TikTok-ut, padyshim që keni dëgjuar të paktën një herë për djaloshin 22 vjeçar, Dijonis Biba.
Biba si fillim e nisi rrugëtimin e tij drejt famës nëpërmjet muzikës, e më pas me përmbajtje të ndryshme në rrjetet sociale.
Mes humorit dhe batutave të shumta, Dijonisi arriti të fitojë mbi një milion ndjekës në rrjetet sociale si Instagram dhe TikTok, duke u kthyer kështu në një figurë mjaft të njohur dhe të dashur nga publiku.
Mirëpo, prej ditësh përflitet se ai do ti bashkohet shtëpisë së Big Brother VIP. Dhe duket se diçka e tillë është konfirmuar edhe nga vetë Dijonisi, pasi pak minuta më parë ka postuar në Instagram një video nga ambientet e Top Channel.
Megjithatë do të na duhet të presim prime-in për të zbuluar se si qëndron e vërteta.
Nëse kjo ndodh, mendoni se më në fund kemi dikë që mund ti bëjë ballë Luiz Ejllit?
