Pak javë më parë, këngëtari Lorenc Hasrama iu bashkua shtëpisë së “Big Brother VIP” me mjaft bujë.
Kjo pasi “Lokimagazine” bëri të ditur asokohe se Lorenci ka patur një lidhje dashurie me Keisi Medinin.
Mirëpo lidhur me këtë lajm reagoi babai i Keisit, Sabiani i cili nëpërmjet një postimi në InstaStory “shpërtheu” ndaj mediave duke përgënjeshtruar lajmin dhe tregoi se Keisi dhe Lorenci janë miq mjaft të mirë por nuk kanë qenë kurrë në një lidhje.
Por duket se Sabiani ka dalë “bllof” pasi ditën e sotme gjatë prime-t, Lorenci ka konfirmuar publikisht se ka patur një lidhje dashurie me Keisin para hyrjes në BBV.
Ai tregoi se lidhja e tyre nuk zgjati më shumë se një muaj, pasi vendosën raporti i tyre do ishte më mirë si dy miq.