Dikush ka dashur t’i bëjë një rreng modeles bukuroshe Jehona Dreshaj, motrës së këngëtares së njohur Afërdita.
Prej vitesh familja e tyre jeton jashtë Shqipërisë, ndaj Jehona është prezantuar tek djali që e ndaloi në rrugë si një vajzë nga Detroit.
Ai e pyet për emrin dhe vendin nga i cili vjen, ndërsa ajo ngurron të tregojë që është Shqiptare. Megjithëse kjo ishte një kamera e fshehtë dhe Jehona nuk ishte në dijeni, tashmë fjalët e saj po bëjnë xhiron e rrjetit dhe kanë “mërzitur” shqiptarët.
Gjatë bisedës, vëmë re që djali në fjalë e komplimenton Jehonën për pamjen, duke e krahasuar me motrat Kardashian.
Jehona vazhdon karrierën e saj si modele në Shtetet e Bashkuara, ndërsa shpesh e shohim nëpër story-t e të motrës, Afërditës.
Afërdita u bë më herët nënë për herë të parë me bashkëshortin e saj çek, Jakub Kindl.
Kështu, Jehona është bërë teze e një bebushi shumë të lezetshëm të cilin e kanë pagëzuar me emrin Sky.
Përsa i përket videos, duket se ajo është realizuar që në verë ndërsa nga Jehona ende nuk kemi asnjë reagim lidhur me “mohimin e origjinës”, teksa me siguri të gjithë po presin të dëgjojnë një shpjegim prej saj.
