Daniel Radcliffe, i njohur si “Harry Potter” është diagnostikuar me një sëmundje neurologjike, dispraksi, që në fëmijëri.
Lajmin e ka bërë të ditur vetë aktori, i cili është shprehur: “E kam pasur të vështirë në shkollë, kam qenë i keq në çdo gjë, pa talent të dukshëm”.
Më tej, Daniel zbuloi se nëna e tij për ta ndihmuar, e regjistroi në aktrim, gjë që ai e kuptoi shpejt se do të ishte e ardhmja e tij.
Sakaq, aktori zbuloi edhe një rast se si e pengoi sëmundja.
“Nuk mund t’i lidh atletet dhe kam një dorëshkrim të tmerrshëm. Si fëmijë kam vuajtur nga mungesa e vetëbesimit, sepse mendoja se isha i vogël. Pjesërisht për shkak të dispraksisë sime, doja të bëhesha aktor”, tha ai.
