Disa ditë më parë, katër banorët: Luiz, Kristi, Olta dhe Maestro u “burgosën” në një dhomë larg pjesës tjetër të shtëpisë për shkak se kishin thyer rregullat e produksionit.
Qëndrimi i tyre në “burg” zgjati më pak nga çka ishte caktuar pasi “Vëllai i madh” iu dha një zgjidhje: Të largoheshin nga dhoma por do t’iu hiqej e drejta e nominimit për një prime.
Mirëpo para se të vinte zarfi ku bëhej e ditur kjo gjë, Luizi i bëri një rreng Oltës. Ai i tregoi aktores se shumë shpejt do të vijë një zarf ku do iu bëjë të ditur se do të dalin nga dhoma, gjë që ndodhi vërtet.
Pas kësaj, Olta “shpërtheu” në akuza ndaj Luizit se ai bashkëpunon me produksionin.
Sot, ditë pas daljes nga “burgu” Olta e ka sjellë sërish në vëmendje këtë ngjarje.
Teksa po diskutonte me banorët, ajo tregoi se gjatë asaj kohe, Luizi ka patur një sjellje të keqe ndaj saj. Madje e cilësoi atë si një mashtrues profesionist.
“Ai është mashtrues profesionist dhe tallet me mua se pse rrash unë pre e mashtrimit të atij, e skemës së atij brenda në burg. Të biesh pre e një gënjeshtre është njerëzore, të gënjesh në mënyrë profesioniste nuk është normale. Pasi qeshi me Kristin se më vuri në lojë, bëri gjithë skemën që më gënjeu me zarfin, se nuk flisja dot, më tha të kam bërë lolo ty. Ai është sjellë shumë keq te burgu me mua”, tregoi Olta. /Lokimagazine.com
